Orientazio-programaren barruan, pertsonen arteko harremanetan gizarte eta herritar osasuntsuak lortzea ahalbidetuko duten berdintasun-balioak sustatzeko helburuarekin, hilabete honetan DBHko 4. mailako eta Batxilergoko ikasleek bi ekimenetan parte hartu dute:

1. "Aritu eta sortu zeure historia" Atarrabiako Berdintasun Zerbitzuak antolatutako genero-indarkeriaren prebentzioari buruzkoa programan. Helburua nerabe-bikoteen arteko genero-indarkeriako egoerak prebenitzea da, hainbat gairi helduz: jeloskortasuna, xantaia emozionala, Teknologia Berrien bidezko kontrola, bikoteko kide bakoitzak bere gain hartzen dituen rolak, bakoitzak harremanean duen erantzukizuna, genero-indarkeriaren zikloaren etapak...

2. "Acción Contra la Trata" elkartearekin topaketa. Elkarteak indarkeriarik eta esplotaziorik gabeko berdintasunezko mundu baten alde egiten du. Berdintasunaren eta maskulinitate osasuntsuen sentsibilizazioaren alde lan egiten du, eta sexu-esplotaziorako emakumeen eta nesken salerosketari aurre egitea du helburu. Hitzaldian @laspoderosas.wp bizitako esperientziak ezagutu ahal izan zituzten. 
 

++ Nafarroako Berdintasunerako Institutuak (INAI/NABI) Sexu Indarkeriari Arreta Integrala emateko Zentroa (SIAIZ) ireki du.

Sexu-indarkeriei arreta integrala emateko baliabide berri honek eguneko 24 orduetan funtzionatzen du urteko 365 egunetan. Zentroko diziplina anitzeko talde espezializatua abokatuek, psikologoek, gizarte-langileek eta gizarte-hezitzaileek osatzen dute, eta 16 urtetik gorako emakumeak, sexu-indarkeriaren biktimak eta bizirik daudenak artatzen ditu. Laguntza behar duten inguruko pertsonei ere eman dakieke.

• Arrosadía (Plaza Xavier Mina, 4 bajo)
• Telefonoa: 848 463 999
• caivs@fundaciongizain.es
• Web: www.caivs.es